Татарстан Республикасының сәламәтлек мөмкинлекләре чикләнгән балалар арасында гади автомодельләр буенча бәйгедә уңышлар

2024 елның 19 ноябре, сишәмбе

 Автомодельчелекне популярлаштыру һәм инвалид балаларның иҗади сәләтләрен ачу максатыннан, 2024 елның 16 ноябрендә Алексеевск шәһәрендә сәламәтлек мөмкинлекләре чикләнгән балалар арасында  гади автомодельләр буенча зона шәхси-команда ярышлары узды. Өстәмә белем бирү педагогы Зарипов М.Г. җитәкчелегендәге Саба муниципаль районы командасы составында Саба гимназиясе укучылары катнашты. «ЭЛ-4» номинациясендә Булатов Камил 3 нче, шәхси беренчелектә Гимназия командасы 3 нче урынны яулады.

   Катнашучыларны һәм аларның җитәкчеләрен җиңүләре белән котлыйбыз һәм алга таба да ярышларда уңышлар телибез.