«КЭС-БАСКЕТ» мәктәп баскетбол лигасы

2024 елның 11 ноябре, дүшәмбе

 9 нчы ноябрь  көнне Килдебәк һәм Саба урта мәктәпләре базасында  укучылар арасында “КЭС-БАСКЕТ” ярышы булып узды. Әлеге ярышта үз зоналарында беренче урын алган егетләр һәм кызлар командалары үзара көч сынашты. Уеннар бик мавыктыргыч булды.
Өченче урыннны Икшермә кадет - интернат мәктәбе кызлары һәм егетләре командалары яулады. Икенче урында  Саба урта мәктәбе кызлары  һәм Тимершык урта мәктәбе  егетләре командалары. Ә җиңүчеләр булып,  Саба урта мәктәбе егетләре һәм Тимершык урта мәктәбе кызлар командалары билгеләнде. Әлеге командалар ярышның республика этабына әзерләнәләр. Командаларга киләчәктә дә җиңүләр теләп калабыз!