Көзге каникул – экскурсияләр өчен шәп вакыт!

2024 елның 8 ноябре, җомга

Саба туган якны өйрәнү музее хезмәткәрләре тарафыннан, көзге каникуллар вакытына, районыбызның тарихи һәм истәлекле урыннары буйлап төрле туристик маршрутлар төзелеп, Саба, Теләче, Кукмара районнары укучыларына тәкъдим ителде.

28 нче октябрьдән 5 нче ноябрьгә кадәр аралыкта әлеге маршрутларда 150 дән артык укучы, укытучы һәм әти-әни катнашты. Экскурсияләребездә Саба районыннан тыш Кукмара районы мәктәпләреннән дә бик зур кызыксыну белән катнашып, безгә яңадан җәй көнендә дә киләчәкләрен әйттеләр. Ә җәй көне без аларны районыбызның башка истәлекле урыннарына төзелгән яңа программа һәм маршрутлар белән сөендерәчәкбез.