"Бер күрешү үзе бер гомер" исемле авылдашлар очрашуы

2024 елның 25 августы, якшәмбе

24 август көнне Сүлә авыл клубында Курсабаш, Эзмә, Түбән Утар авыл клублары, Курсабаш китапханәсе белгечләре һәм үзешчән сәнгать осталары белән берлектә, "Бер күрешү үзе бер гомер"исемле зур бәйрәм - авылдашлар очрашуы үткәрелде. Яшебез безне туган җиребезгә, балачак узган җиребезгә тарта. Бу еллар кеше тормышында иң күңелле еллар. Язмыш безне кая гына илтмәсен, без үзебезнең кече Ватаныбызны һәрвакыт хәтерлибез! Безнең кечкенә авылдан килгән кунаклар бик күп иде. Авылдашлар көче белән бәйрәм өстәле әзерләнде. Бәйрәм дәвамында күңелгә хуш килгән матур җырлар яңгырады. Балалар һәм өлкәннәр өчен төрле конкурслар үткәрелде. Дуслар һәм авылдашлар кичәсе бик күңелле үтте, күңелле тәэсирләр калдырды!