Муниципаль районнар Саба муниципаль районы

«Исәнме, дустым, Чебурашка!" мастер-класс

2024 елның 20 августы, сишәмбе

Чебурашка-гадәти булмаган җәнлек, супергерой һәм берничә буынның яраткан кешесе. Иске Икшермә авыл китапханәчесе “Кояшкай” балалар бакчасында “Исәнме, дустым, Чебурашка!” пластилиныннан мастер класс үткәрде. Мастер класс Эдуард Успенский уйлап тапкан Чебурашканың туган көненә багышланган иде. Бу изге бәйрәм 2005 елдан бирле 20 августта билгеләп үтелә.
Китапханәче балаларга «зур колаклы кызыклы җәнлек» әкиятенең барлыкка килү тарихын сөйләде. Тагын чебурашканың Россиянең Олимпия җыелма командасы талисманы булуын һәм Мәскәүдә Чебурашка музее ачылуын белделәр.
Мультфильмдагы геройны балалар шатланып ясадылар һәм сюжетны сөйләделәр, Эдуард Успенскийның «Крокодил Гена и его друзья»әсәре буенча сорауларга җавап бирделәр. «Чебурашка» эше балалар өчен бик матур һәм кызык килеп чыкты. «Колаклы персонаж» җитештерү нәтиҗәсеннән барысы да канәгать иде.

Тэги: Мәдәният бүлеге

Мәдәният бүлеге

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

октябрь, 2024 ел

Язлы Арташ мәдәният йортында өлкәннәр көне

Октябрь башында өлкәннәр көненә багышланган бәйрәмне билгеләп үтү матур традициягә әверелде. 2 октябрь көнне Язлы Арташ авыл клубында Олы Нырты һәм Чабья - Чурчи авыл клублары белән берлектә Өлкәннәр көненә багышланган "Хэр мизгел матур узенче"исемле концерты үткәрелде.Чараны алып баручылар барлык авылдашларын бәйрәм белән җылы котладылар. Арташ авыл җирлеге башлыгы Мөхәрләмов Рөстәм Илсур улы кунакларга ныклы сәламәтлек, озын гомер һәм тыныч күк йөзе теләде. Иң яхшы концерт номерлары кунаклар өчен күңелле бүләк булды. Матур җырлар кәефне күтәреп кенә калмады, яшьлек елларына да кайтардылар. Чәй эчкәндә алар рәхәтләнеп аралаштылар, яшь чакларын искә төшерделәр. Бәйрәм атмосферасы беркемне дә битараф калдырмады. Кичә авылдашлар белән очрашырга һәм бер-берсе белән яхшы кәеф белән уртаклашырга менә дигән сәбәп булды.

Халыкара өлкәннәр көне уңаеннан Министр Эльмира Зарипова мөрәҗәгате

Халыкара өлкәннәр көне-буыннар дәвамчанлыгы, иҗади хезмәт кыйммәтләре, өлкән яшьтәге кешеләрнең тәҗрибәсе һәм зирәклеге турында искә төшерү өчен билгеләнгән үзенчәлекле дата.

Югары Симет урта мәктәбендә өлкәннәр көне

Югары Симет урта мәктәбендә өлкәннәр көне билгеләп үтелде. Шушында эшләп лаеклы ялга чыккан укытучыларга, хезмәткәрләргә укучылар концерт номерлары куйдылар. Өлкәннәр балаларның сорауларына җавап бирделәр, яшьлек хатирәләре белән уртаклаштылар. Мәктәп директоры Гарифуллин Рафис Нәкыйп улы өлкәннәрне бәйрәм белән котлады.

Өлкәннәр көне

2 октябрь көнне, Саба район китапханәсендә район мәдәният йорты белән берлектә, озак еллар мәдәният бүлегендә эшләп лаеклы ялга чыккан өлкәннәребез өчен Өлкәннәр көне уңаеннан очрашу үткәрелде. Кунаклар реконструкциядән соң заманлаштырылган китапханә белән танышылар. Чара район мәдәният бүелеге начальнигы Рөстәм Фидаилевичның котлаулары белән башланып китте, һәм Марат Әмирхановның Г. Тукай тормышында булган шәхесләргә багышланган "Бибимәмдүдә" китабының презентациясе тәкъдим ителде. Чараның икенче өлеше "Тукай" паркында Саба мәдәният йорты хезмәткәрләренең концерт номерлар белән чәй эчү белән тәмамланды.

ЯҢАЛЫКЛАРГА ЯЗЫЛУ