Муниципаль районнар Саба муниципаль районы

"Сезгә ярдәм итә торган законнар" хокукый белем сәгате

2024 елның 13 августы, сишәмбе

12 август көнне Югары Шытсу авыл китапханәсендә "Сезгә ярдәм итә торган законнар" исемле хокукый белем сәгате үткәрелде. Аның максаты үсеп килүче буынга үз хокукларыңны һәм бурычларыңны белергә, алардан дөрес файдаланырга кирәклеге турында мәгълүмат җиткерү иде. Яшүсмерләр китапханәчене игътибар белән тыңладылар, үзләрен кызыксындырган сораулар бирделәр һәм үзләре белән бәйле булган ситуацияләр турында фикер алыштылар. Алар хокукый әдәбият, закон актлары җыентыклары белән таныштылар. Тематик күргәзмә яшүсмерләр хәтерендә алынган мәгълүматны тулыландырырга һәм тирәнәйтергә ярдәм итте.

Тэги: Мәдәният бүлеге

Мәдәният бүлеге

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

ноябрь, 2024 ел

Өстәл теннисы буенча 12 яшькә кадәрге малайлар һәм кызлар арасында төбәк ярышлары

Саба теннисчыларының уңыш дулкыны дәвам итә. Бүген Казанда 12 яшькә кадәрге малайлар һәм кызлар арасында төбәк ярышлары тәмамланды. Ярышларда Россиянең 20 субъектыннан спортчылар катнашты. Безнең егетләр: Илсаф Латыйпов белән Раян Йосыпов призёрлар булдылар. Илсаф 2 урынны, Раян 3 урынны яулады. Аларны уңыш белән котлыйбыз!

Фехтование буенча РСШОР кубогы

5 ноябрь көнне Казан шәһәрендә фехтование буенча РСШОР кубогы узды. Җиңүче «Саба-Арена» спорт мәктәбе укучысы Попов Даниил булды. Котлыйбыз Даниилны һәм фехтование бүлегенә алдагы җиңүләрен телибез.

ноябрь, 2024 ел

“Югары Утар психик тайпылышлары булган гражданнар өчен балалар интернат-йорты” дәүләт казна учреждениясендә “Аулак өй” театраль тамашасы

6 ноябрьдә Татарстан Республикасында Конституция көне билгеләнеп үтелә. Бу уңайдан, Югары Утар балалар интернат йортында "Аулак өй" дип исемләнгән заманчалаштырылган театраль тамаша үткәрелде.

«Балалар журналлары битләре буйлап»

5 ноябрь көнне Ике басу Арташ авыл китапханәсенең мөдире «Балалар журналлары битләре буйлап» дигән вакытлы матбугат сәгате үткәрде. Китапханәче яшь укучыларны китапханәдәге журналларның төрлелеге белән таныштырды. Балалар өчен «Салават күпере», «Непоседа», «Саша и Маша», «Ежик» журналлары тәкъдим ителде. Алардан балаларга төрле табышмаклар, тиз сөйләшүләр, ребуслар тәкъдим ителде. Чара ахырында барлык балалар алган белемнәреннән канәгать булдылар һәм журналлар укуның кызыклы һәм кирәкле булуы белән килештеләр!

ЯҢАЛЫКЛАРГА ЯЗЫЛУ