Картинг буенча Россия чемпионаты һәм беренчелеге
10-11 августта Байлар Сабасы бистәсенең "Аргамак" картодромында Мини, Супер-мини, ОК-junior, ОК, KZ2 классларында картинг буенча Россия беренчелеге узачак. Ярышларда 186 спортчы катнаша. Бүген ярышларны ачу тантанасы узды. Ачылышта хөрмәтле кунаклар катнашты:
Формула-1нең беренче Россия пилоты һәм SMP RACING Спорт директоры, РАФ вице-президенты Петров Виталий Александрович.
Картинг комитеты рәисе РАФ Чамкин Роман Владимирович.
Саба муниципаль районы Башлыгы вазыйфаларын башкаручы Закирҗанов Расих Рәхимҗан улы.
"КАМАЗ-мастер" командасы пилоты, Россиянең атказанган спорт мастеры, "КАМАЗ автоспорт" предприятиесе директоры урынбасары Мәрдиев Айрат Илгизәр улы.
2023 ел ОК классында картинг буенча дөнья чемпионы Куцков Кирилл.
"Аргамак" картодромында "КАМАЗ-мастер" узыш автомобиле һәм истәлеккә фотога төшәргә мөмкин булган Формула-1 узыш автомобильләре тәкъдим ителгән. Шулай ук автомобиль спорты буенча уен симуляторларында да уйнарга мөмкин.