«Җәйге җылы, җырлы кич».
Концертлар һәрвакыт кызыклы: бу авыл халкы белән аралашу мөмкинлеге дә, шулай ук үзеңнең иҗади сәләтләреңне күрсәтү мөмкинлеге дә. Бүген Өтернәс авылы клубы янында «Җәйге җылы, җырлы кич» җәйге урам концерты узды. Шәмәрдән мәдәният йорты, "Акварель" халык хореография коллективы үзешчәннәренең, мәдәният хезмәткәрләренең концерт номерлары (җит. Хуҗин А.И.), Эзмә, Кызыл Мишә авыл мәдәният йортлары җырчыларының кайнар хисләре һәм матур башкарулары белән сокланды. Концерт бай эчтәлекле, төрле-төрле, якты һәм күңелле булды! Тамашачылар уеннарда рәхәтләнеп катнаштылар, ял иттеләр, җырладылар, көлештеләр, артистларны көчле алкышлар белән хупладылар. Концерт ахырында авыл халкы артистларга уңай эмоцияләр өчен рәхмәт белдерде һәм яңа иҗади уңышлар теләде.