Россия яшьләре көненә, Гаилә елына һәм “Спорт иле" Бөтенроссия спорт һәм сәламәт яшәү рәвеше марафонына багышланган район ярышлары
Бүген, 29 июньдә, Байлар Сабасы бистәсендә, "Олимп" стадионында Россия яшьләре көненә, Гаилә елына һәм “Спорт иле" Бөтенроссия спорт һәм сәламәт яшәү рәвеше марафонына багышланган район ярышлары узды. Яшьләр көне кысаларында бүләкләү тантанасы узды, шулай ук район яшьләре алдында «Россия йөрәге» гаилә учагының утын Саба районыннан Арча районына тапшыру тантанасы булды.
Ачылу тантанасында Саба муниципаль районы башлыгы Минниханов Рәис Нургали улы, Татарстан Республикасы Яшьләр эшләре министры урынбасары Лулаков Денис Владиславович, Башкарма комитет җитәкчесе урынбасары-Саба муниципаль районы башкарма комитеты Аппараты җитәкчесе Кәримов Марат Рәшит улы, Саба муниципаль районы Башкарма комитетының яшьләр эшләре һәм спорт бүлеге башлыгы Ирек Гарипов, Саба муниципаль районы Башкарма комитетының ЗАГС бүлеге башлыгы Шафикова Гөлнар Илдар кызы, Арча муниципаль районы Башкарма комитеты җитәкчесе урынбасары Вафина Эльвира Шамил кызы, "Яшьлек" яшьләр үзәге вазыйфаларын башкаручы Гомәрова Алисә Мәгъфүр кызы, ярышларның баш судьясы Рифат Хисамов.