“Халык уеннары сандыгы” уен программасы

2024 елның 30 мае, пәнҗешәмбе

Иштуган мәдәният йорты белгечләре “Халык уеннары сандыгы”уен программасы үткәрделәр. Халык уеннары-халык үзенчәлекләренең ачык чагылышы, аларда уйнаучы этносның һәм аның үсеш тарихының чагылышы. Программаны алып баручы балаларга кыскача гына гореф-гадәтләр һәм халык уеннары турында сөйләде. Катнашучылар "Каравай" уен-җырында әйлән-бәйлән уйнадылар, рус халкының хәрәкәтле "Ручеек" уенында челтерәгән инешне сурәтләделәр, шулай ук удмурт, рус, татар халык уеннарын : «Алтын капка», «Урындыклы», «Горелки», «Растяпа», «Түбәтәй», «Биш парлы»,  «Горелки»   уеннарын искә төшерделәр, катнашучыларны тизлектә, җитезлектә, игътибарлылыкта тикшерделәр,  халык бию хәрәкәтләрен башкарырга өйрәттеләр.