Картинг буенча ТР Беренчелеге, ТР Чемпионаты һәм ТР Кубогы узды.
11-12 май көннәрендә Байлар Сабасында картинг буенча ТР Беренчелеге, ТР Чемпионаты һәм ТР Кубогы узды. ТР Саба муниципаль районының «Олимп» урта мәктәбендә тәрбияләнүчеләр ярышларда актив катнаштылар, яхшы әзерлек күрсәттеләр һәм призлы урыннар алдылар. 125 - Б классында Рамзил Йосыпҗанов 3 урынны алды. 125 - А классында Гәрәев Артур 2 урынны, Насибуллин Данис 1 урынны алды. « Восход» классында Исрафилов РИФАТ 3 урынны, Галимов Илнар 2 урынны, Дәминов Динар 1 урынны алды. Иң тиз класста KZ-2 Галимов Илнар 2 урынны алды. «Стриж» классында Рәсим Йосыпҗанов 6 нчы урынны, Фидан Шагиев 8 нче урынны алды.
Балаларны һәм аларның тренерларын - укытучыларын-Насибуллин Илгиз Тәлгать улын, Исрафилов Рафил Гаптрашит улын һәм механик Йосыпов Азатны котлыйбыз. Сәламәтлек, бәхет, уңышлар һәм тыныч күк йөзе телибез!