Саба үзәк район хастаханәсе
Ана һәм балаларны саклау-сәламәт бала тудыруны, үсеп килүче буынны дөрес һәм һәрьяклап үстерүне, хатын-кызлар һәм балалар авыруларын кисәтүне һәм дәвалауны тәэмин итүче дәүләт иҗтимагый һәм медицина чаралары системасын үз эченә алган теләсә кайсы илнең сәламәтлек саклау өлкәсендә өстенлекле юнәлеш.
Ана һәм балаларны саклау системасында медицина-социаль ярдәм күрсәтүнең түбәндәге этаплар бар:
1 этап йөклелектән тыш хатын-кызга ярдәм күрсәтү, аны ана булырга әзерләү. Бу этапта хатын-кызлар консультацияләре, Гаилә планлаштыру үзәкләре, Медицина-генетик консультацияләр зур роль уйный;
2 нче этап бала һәм йөкле хатын-кызның сәламәтлеген саклау максатыннан йөкле хатын-кызларга дәвалау-профилактика ярдәме күрсәтү. Бу этапта төп роль хатын-кызлар консультацияләренә, акушерлык стационарларының йөклелек патологиясе бүлекчәләренә, йөкле хатын-кызлар өчен шифаханәләргә карый;
3 этап бала һәм хатын-кызның сәламәтлеген саклау максатыннан бала табуда дәвалау-профилактика ярдәме. Бу ярдәмнең бөтен күләме бала тудыру йортларының акушерлык бүлекләрендә күрсәтелә;
4 нче этап яңа туган баланың сәламәтлеген саклау: дөрес тукландыруны контрольдә тоту, физиологик үсешне күзәтү, яңа туган баланы карау, бала тудыру йортларының яңа туган балалар бүлекчәләрендә һәм балалар хастаханәләренең яңа туган балалар патологиясе бүлекчәләрендә дәвалау ярдәме күрсәтү;
5 нче этап мәктәпкәчә чорда бала сәламәтлеген саклау: физик үсеш, рациональ туклану, баланың иммунологик статусын контрольдә тоту;
6 нчы этап мәктәп яшендәге балалар сәламәтлеген саклау: физик үсешне контрольдә тоту, балалар сәламәтлегенең тайпылышларын төзәтү.