Бәйрәмнәрдән соң ничек эшкә кереп китергә.
Яңа ел каникуллары тәмамланды. Эш режимына кайтырга вакыт. Күпләргә бу бик авыр бирелә. Бүген без бәйрәмнән соңгы күчү чорын ничек кичерергә һәм стресссыз эшләү турында берничә киңәш бирербез.
Төп рецептларның берсе-әкренләп эшкә керү + төгәл планлаштыру + үз-үзеңне дисциплиналау.
Стресссыз эшкә ничек чыгарга:
• Режим. Эшкә чыкканчы берничә көн алдан йокы графигын торгызу яхшы.
• Планлаштыру. Бәйрәмнән соңгы беренче көннәрдә эшләрегезне җентекләп планлаштырыгыз, әкренләп эшкә чумыгыз. Бу сезгә эшләрдә хаостан сакланырга ярдәм итәчәк. Айлар һәм атналар буенча бүленеп, бер елга максатлар куегыз. Яңа планнар сезне эшкә рухландырачак.
• Дөрес туклану- организмга спиртлы эчемлекләр кулланганнан соң, туклану режимы һәм яшәү ритмы бозылганнан соң эш режимына керергә ярдәм итәчәк.
• Физик активлык. Әгәр дә сез бәйрәмнәр вакытында бәйрәм өстәле һәм телевизор алдында күбрәк вакыт үткәрсәгез, беренче эш көннәрендә организмны күтәрү һәм торгызу өчен физик активлык кирәк, шул исәптән психик эшчәнлек.
• Аралашу. Бәйрәмнәрдән соң хезмәттәшләрегез белән аралашу өчен бераз күбрәк вакыт алыгыз: соңгы яңалыклар һәм яңа ел маҗаралары турында сөйләшегез.
Психологлар бәйрәмнән соңгы беренче көннәрендә кызыклы чаралар планлаштырырга киңәш итә: кинога бару, йөрү, гаилә уеннары яки, ахыр чиктә, торт сатып алып, кечкенә генә бәйрәм оештырырга. Беренче эш атнасының депрессияле һәм күңелсез булып күренмәве мөһим. Шул чакта эш режимына керү җиңелрәк булачак, күңелсезлек чигенәчәк һәм нәтиҗәдә иммунитет артачак.
Ниһаять, онытмагыз, киләчәктә безне 23 февральдә һәм 8 Мартта озын ял көннәре, май бәйрәмнәре көтә, ә анда җәйге ял да бар. Шәхси һәм профессиональ үсештә, хезмәттәшләрегез белән аралашуда һәм максатларыгызда мотивация табыгыз. Болар барысы да сезгә эшкә чумарга һәм аны җайлы эшләргә ярдәм итәчәк.