Бозлавык вакытында урамда үз-үзеңне тоту кагыйдәләре.
Бозлы юлда сак һәм игътибарлы булырга кирәк. Егылудан һәм җәрәхәтнең авыр нәтиҗәләреннән сакланырга ярдәм итүче кайбер киңәшләр белән танышырга тәкъдим итәбез.
Бозлавык вакытында урамда үз-үзеңне тоту кагыйдәләре.
Йөргәндә аяклар бераз иркен, тезләр бөгелгән, ә гәүдә бераз алга авышкан булырга тиеш. Бозлавык вакытында кулларыгызны кесәгездә тоту куркыныч, чөнки егыла калсагыз, кулларыгызны чыгарып, берәр нәрсәгә тотыныр өчен вакытыгыз аз булачак. Боз өстендә йөргәндә, бөтен аяк астына басыгыз. Әгәр дә сез тайпылсагыз, егылу биеклеген киметү өчен шунда ук утырыгыз. Егылганда, җиргә кагылу вакытында, янга тәгәрәп барырга тырышыгыз, шул чакта җәрәхәтләр һәм имгәнүләр азрак булачак.
Тайгак юлдан барганда, ашыкмагыз, кискен хәрәкәтләрдән сакланыгыз һәм һәрвакыт аяк астына карагыз. Әгәр дә сезгә тирә – якны карарга кирәк булса, моны туктап эшләү яхшырак. Юл кырыенда хәрәкәт иткәндә, тротуар буйлап яки юл кырыеннан йөрергә тырышыгыз. Түбәләрендә боз булырга мөмкин булган биналар янында йөрү киңәш ителми. Әгәр дә сез тайгак баскычлардан төшәргә тиеш булсагыз, аягыгызны баскыч буйлап тотыгыз (ян бн төшегез).
Таймый торган аяк киеме әзерләгез. Үкчәләргә махсус тайгак набойкалар беркетегез, коры аяк астына тукыма нигезендә лейкопластырь ябыштырыгыз. Сатуда бозлавык вакытында кулланыла торган аяк киеме өчен махсус алына торган җайланмалар бар. Өлкән яшьтәге кешеләргә резина япма белән таяк (яки чаңгы таягы) йөртү киңәш ителә.
Медицина ярдәме.
Аркага уңышсыз төшү очрагында умыртка баганасы, муенны һәм башны зарарларга, сузылган кулга төшү очрагында кулбашын, җилкәсен яки култык сөяген, ә аякка төшү очрагында бот муенын сындырырга мөмкин.
Беренче табибка кадәрге ярдәмне шунда ук күрсәтергә кирәк. Арка җәрәхәте булганда зыян күрүчене селкетергә ярамый, ашыгыч ярдәм чакырырга кирәк. Әгәр аяк-кул җәрәхәтләнгән икән, аны, беренче чиратта, хәрәкәтсез калдырырга кирәк. Моның өчен башта аны шина (таяк, такта) белән бәйләгез, аннары таяныч бинт ясагыз. Кулда астында булган әйберләрне кулланыгыз: таяк, шарф, яулык. Шешүне бетерү һәм авыртуны киметү өчен, зарарланган аяк-кулларга салкын әйбер (мәсәлән, кар) кую яхшы.
Мөһим!!! Егылып җәрәхәтләнгәч, шунда ук хастаханәгә мөрәҗәгать итәргә кирәк.