2011 нчы елда туган һәм аннан кечерәк яшүсмерләр арасында баскетбол буенча Саба муниципаль районы беренчелеге
2023 нче елның 11 ноябрь көнне Тимершык гомумбелем бирү мәктәбе базасында 2011 нчы елгы һәм аннан кечерәк яшүсмерләр арасында баскетбол буенча Саба муниципаль районы беренчелеге булып узды. Ярышта барлыгы 9 команда көч сынашты: “Сәләтле балалар интернат-мәктәбе”, Шәмәрдән лицее, Саба, Лесхоз, Явлаштау, Гимназия (ике команда), Тимершык урта гомумбелем бирү мәктәпләре, Икшермә кадет-интернат мәктәбе.
Командалар көчле әзерлек белән килгән иде. Авыр көрәш нәтиҗәсендә урыннар түбәндәгечә билгеләнде:
1 урын –“Сабантуй-1” командасы, Тимершык урта гомумбелем бирү мәктәбе (тренер Шакиров Ш. Х.)
2 урын – “Гимназия”, тренер Гафиятуллин Р. Р.
3 урын –“Сабантуй -2” командасы, Икшермә кадет-интернат мәктәбе (тренер Гарафиев И.А.)
Ярышта катнашучылар һәм призлы урын алучылар акчалата бүләк, грамота һәм кубок белән бүләкләнделәр. Шулай ук әлеге ярышта судья вазифасын башкарган тренерларга “Сабантуй” спорт мәктәбе исеменнән Рәхмәт хатлары тапшырылды.
Барлык командаларны да уңышлы чыгыш ясаулары белән котлыйбыз, алга таба да җиңүләр теләп калабыз.