Егетләр һәм кызлар арасында «Васильевская винтовка» бүләгенә биатлон буенча ачык ярышлар
2023 елның 15 октябрендә Яшел Үзән районының Васильево бистәсендә егетләр һәм кызлар арасында «Васильевская винтовка» бүләгенә биатлон буенча ярышлар булып узды. Ярышта Татарстанның төрле почмакларыннан килгән спортчылар катнашты. "Сабантуй" спорт мәктәбе укучылары яхшы нәтиҗәләр күрсәттеләр. Гайнуллин Инсаф 2011-2012 елларда туган яшүсмерләр категориясендә җиңүче булды. Шул ук категориядә Сәетов Эмиль чәчәкле тантанага эләгә. 2009-2010 елларда туган егетләр арасында Хуҗин Инсаф икенче урынны алды. Абдуллин Сәрим шул ук категориядә чәчәкле тантанага эләгә, ягъни алтынчы урынны ала. Калган спортчылар да бик яхшы ярыштылар,үзләрен күрсәттеләр.
Ахырда призлы урын алучылар грамоталар, медальләр һәм истәлекле бүләкләр белән бүләкләнделәр. Спортчыларны уңышлы чыгышлары белән котлыйбыз!