Милли моңнар Ватаны син – Сабам!

2023 елның 8 сентябре, җомга

30 августта Татарстан республикада яшәүчеләрне берләштерүче махсус бәйрәм – Республика Көнен, Ватан көнен, Җир көнен билгеләп үтә. Бу бәйрәм чыннан да бөтен халык бәйрәме.  Шәһәр тибындагы Байлар Сабасы бистәсенең «Ямьле Саба» яр буенда Татарстан Республикасы көненә һәм Милли мәдәниятләр һәм традицияләр елына багышланган «Милли моңнар Ватаны син - Сабам» бәйрәм чарасы узды. Иштуган мәдәният йорты һәм китапханә белгечләре «Тюрагай» фольклор коллективы әгъзалары һәм балалар белән удмурт халык стилендә бәйрәмдә катнаштылар, «Дружба» хороводын алып бардылар, җырлар җырладылар, биеделәр. Тамашачыларга удмурт милли ризыгы «Перепечи»тәкъдим ителде. Төрле милләтләрнең халык уеннарында катнаштылар.