Татарстан Республикасының бердәм сәламәтлек саклау колл-үзәген эшләтеп җибәрү турында
2023 елның 4 сентябреннән «РММАҮ» ДАСУ Татарстан Республикасы Сәламәтлек саклау министры йөкләмәсе буенча тест режимында Татарстан Республикасының бердәм сәламәтлек саклау колл-үзәге эшли башлаячак. Сәламәтлек саклауның кайнар линиясе Татарстан Республикасының барлык медицина оешмаларын бер җиргә берләштерәчәк, ул халыкка тәүлек әйләнәсе ачык булачак.
Татарстан Республикасы сәламәтлек саклау колл-үзәге пациентларның сорауларына оператив рәвештә җавап бирергә мөмкинлек бирәчәк. Сервис медицина оешмаларына шалтырату проблемаларын хәл итүгә, сәламәтлек саклау өлкәсендә иҗтимагый контроль оештырырга юнәлдерелгән.
558-03-03 кайнар линия номерына шалтыратып, пациентлар медицина ярдәме күрсәтү һәм оештыру белән бәйле сорауларга җавап ала ала. Алар арасында-поликлиникага беркетү, ташламалы дарулар белән тәэмин итү, югары технологияле медицина ярдәме күрсәтү принциплары, хезмәт күрсәтү сыйфаты һ. б.
Бердәм колл-үзәге хастаханәләр һәм поликлиникалар эшенең ачыклыгын һәм Татарстан Республикасы халкының медицина оешмалары белән бәйләнешен тәэмин итәчәк, күрсәтелә торган медицина хезмәтләренең нәтиҗәсен арттырырга мөмкинлек бирәчәк.
Сәламәтлек саклау үзәге колл-үзәге номеры 558-03-03.
Эш режимы: тәүлек әйләнәсе, ял көннәре юк. Барлык шалтыратулар да бушлай.
Игътибар итегез, колл-үзәк тест режимында эшли. Шуңа бәйле рәвештә, сервисның эш башлануында барлыкка килергә мөмкин булган техник проблемаларга аңлап карауны сорыйбыз.
.jpg)