Җиңүчеләребезне котлыйбыз!

2023 елның 20 мае, шимбә

Кичә Кукмара шәһәрендә ел саен ТР сәламәтлек саклау медицина хезмәткәрләренең региональ спартакиадасы узды. Саба, Арча, Әтнә, Балтач районнары һәм Кукмара шәһәре медицина учреждениеләре командалары ярышты.

Саба үзәк район хастаханәсе һәм Шәмәрдән участок хастаханәсе җыелма командасы катнашучылары хатын-кызлар арасында бадминтон буенча 1 урынны, шулай ук аркан тарту буенча ир-атлар командалары арасында 3 урынны алдылар.

Ярышларда катнашучыларның барысы да үзләрен чын спортчылар итеп күрсәттеләр!

Җиңүчеләребезне котлыйбыз! Яңа спорт һәм һөнәри казанышлар телибез!