Физкультура-спорт юнәлеше буенча эшләүче өстәмә белем бирү оешмалары арасында Бөтенроссия Спартакиадасының финалы үтте

2023 елның 12 апреле, чәршәмбе

11 нче апрель көнне Лениногорск шәһәрендә физкультура-спорт юнәлеше буенча эшләүче өстәмә белем бирү оешмалары арасында Бөтенроссия Спартакиадасының  финалы үтте. 

Әлеге ярышта Саба районыннан “Балаларны сәламәтләндерү-белем бирү үзәге”нең җыелма  командалары катнашты. Волейбол ярышыннан кызлар һәм егетләр командалары 1 нче урынга лаек булдылар (җитәкчеләр Биктимиров А.Г. һәм Шәехов Н.Д.). Җиңел атлетика буенча да  беренче урынны алуга ирештеләр (җитәкче Саубанов А.Р.).
Барлык җиңүче командаларны зур уңышлары белән котлыйбыз!