Фехтование буенча ачык республика турниры

2023 елның 11 апреле, сишәмбе

10 апрельдә Казан шәһәренең фехтование үзәгендә 2014 елда туган кызлар арасында фехтование буенча ачык республика турниры узды.

Ике тур ныклы көрәш нәтиҗәсендә, А финалына, турнирның иң көчле биш фехтовальщигы сайлап алына, Саба-Арена спорт мәктәбе вәкиле Вәлиуллина Алина катнаша, ул финал стадиясен дә лаеклы уздыра, Казан спортчыларыннан бер көрәштә җиңеп чыга.

С финалында, бер уколны төшереп калдыру бәрабәренә, Мартиросова Софья (СШ СабаАрена) бронзаны югалта, дүртенче урынны ала.

Спортчыларны, шулай ук Саба-Арена  спорт мәктәбенең фехтование бүлеген ярышларда лаеклы катнашулары белән котлыйбыз һәм спорт биеклекләренә ирешүдә уңышлар телибез.