“Матбугат дөньясында”

2023 елның 25 феврале, шимбә

25 февраль көнне Яңа Мичән авыл китапханәсендә "Матбугат дөньясында"дигән газета - журналларга күзәтү үткәрелде. Максат: яшьләрне вакытлы басмаларны укуга җәлеп итү, укучыларның уку культурасын күтәрү. Чара барышында китапханәче яшүсмерләр һәм яшьләр өчен вакытлы басмалар белән таныштырды. Яңалыклар белән кызыксынмаган кеше юктыр, мөгаен. Кайберләрен сәясәт, башкаларны фән һәм техника өлкәсендәге ачышлар, кемгәдер әдәбиятта һәм сәнгатьтә, ә кемгәдер кеше тормышында һәм табигать дөньясында яңалык җәлеп итә. Бу яңалыкларны безгә вакытлы матбугат яки гади итеп әйткәндә газета-журналлар  хәбәр итә.