Зона семинары

2023 елның 18 феврале, шимбә

16 февральдә, Арча муниципаль районының 5нче номерлы балалар бакчасында «Мәктәпкәчә яшьтәге балаларга әхлакый-патриотик тәрбия бирү»темасы буенча педагоглар һәм мәктәпкәчә учреждениеләр белгечләре өчен зона семинар-практикумы узды. Саба районы балалар бакчаларыннан тәрбиячеләр актив катнаштылар, доклад белән чыгыш ясадылар, семинар темасы буенча тәҗрибә уртаклаштылар, үзләренең авторлык уеннары белән таныштырдылар. Педагоглар семинарда тәкъдим ителгән материаллар балалар белән эшләүдә ярдәм итәр, балаларны тәрбияләүдә һәм укытуда яңа идеяләр һәм алымнар эзләүгә ярдәм итәр дип өметләнәләр.