Сугышчы-интернационалист һәйкәле янында
2023 елның 15 февралендә соңгы совет хәрби часте Әфганстаннан туган ягына әйләнеп кайтканга 34 ел тула. Бу сугышта якташыбыз Шәйдуллин Фердинанд Харис улы интернациональ бурычын үтәгәндә һәлак булды. Язлы Арташ авылында сугышчы-интернационалист һәйкәле янында" Әфганстан - ул Хәтер һәм авырту"митингы узды. Чарада туганнары, якыннары, укучылар, ОБЖ буенча укытучы Мусин Илсур хай улы һәм Лесхоз урта мәктәбе директоры Дәүләтшин Нияз Илгиз улы катнашты. Укучылар автомат җыю һәм сүтү буенча ярыштылар. Һәйкәлгә венок салдылар, бер минут тынлык белән хөрмәтләнделәр. Сугыш, нинди генә булмасын, юлларында һәлак булганнар гаиләсендә һәрвакыт ачык яра булып кала. Без туганнарын һәм якыннарын югалткан һәркем белән югалту газапларын уртаклашабыз, дип белдерде үз чыгышында Мусин Илсур Хәй улы.