Мин спортны яратам

2023 елның 7 феврале, сишәмбе

"Балачактан спорт белән дуслашсаң, тормышта күп нәрсәгә ирешеп була!". Нәкъ менә шундый девиз астында Сабаның 2нче номерлы «Әллүки» балалар бакчасында спортка багышланган тематик атна башланды. Иртән балаларны һәм ата-аналарны яхшы кәеф белән каршы алдылар.Балалар бакчасында физик тәрбия мәктәпкәчә тәрбиянең аерылгысыз өлеше булып санала. Мәктәпкәчә яшьтәге балалар өчен физкультура чаралары ‒ һәрвакыт көтеп алынган вакыйга.Бу чараларда спорттагы казанышларыңны күрсәтергә, команда буенча дусларыңның уңышына сөенергә мөмкин. Алар баланың спортка, күнегүләргә карата кызыксынуын үстерәләр, сәламәт яшәү рәвеше мотивациясен формалаштыралар.