28 нче гыйнвар көнне Саба урта мәктәбе базасында укучылар арасында 3х3 баскетбол ярышы булып узды. Әлеге ярышта үз зоналарында беренче, икенче урынны алган егетләр һәм кызлар командалары үзара көч сынаштылар. Уеннар бик мавыктыргыч булды, командалар ныклы хәзерлек белән килүләрен күрсәттеләр.
Өченче урыннны Килдебәк урта мәктәбенең кызлар командасы һәм Сәләтле балалар мәктәбенең егетләр командалары яулады, икенчедә Сатыш урта мәктәбе кызлар командасы һәм Югары Симет урта мәктәбенең егетләр командалары. Ә җиңүчеләр булып Тимершык мәктәбенең кызлар һәм егетләр командалары калды.