Муниципаль районнар Саба муниципаль районы

Татарстан белән Башкортстан арасындагы чик ЕГРНга кертелде

2022 елның 7 ноябре, дүшәмбе

Татарстан Росреестры күчемсез милекнең Бердәм дәүләт реестрына (ЕГРН) Татарстан Республикасы белән Башкортостан Республикасы арасында чик узу турында мәгълүматлар кертте. Аның гомуми озынлыгы 498 километр.

Татарстан Росреестры элегрәк хәбәр иткәнчә, ике субъект арасындагы чик аларның мәйданын һәм конфигурациясен үзгәртмәгән.

Исегезгә төшерәбез, күрше регионнар белән чикләрне билгеләү буенча эш шул исәптән, ЕГРННЫ төгәл белешмәләр белән тулыландыру кысаларында да алып барыла, бу исә, үз чиратында, төбәктә «пространство мәгълүматларының милли системасы»дәүләт программасын гамәлгә ашыру этапларының берсе булып тора.

Росреестрның Татарстан Республикасы буенча идарәсе җитәкчесе Азат Җаббаров сүзләренә караганда, чикләр турында, шул исәптән Россия Федерациясе субъектлары арасында, ЕГРНга кертелгән актуаль белешмәләр җир ресурсларыннан рациональ файдалануга ярдәм итә һәм күчемсез милекчеләрнең хокукларын гарантияли.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

ноябрь, 2024 ел

Шекше авыл җирлегендә Әниләр көненә багышланган бәйрәм

22 ноябрь көнне Шекше мәдәният йортында Әниләр көненә һәм Гаилә елына багышланган концерт булып узды. Концертны Шекше төп гомуми белем бирү мәктәбе, Сәрдә авыл җирлеге һәм Шекше мәдәният йорты оештырды. Алып баручылар җыелганнарны җылы сүзләр белән сәламләделәр, әниләрне һәм әбиләрне бәйрәм белән котладылар. Артистлар, укучылар гаиләләре белән әниләргә багышланган матур вокаль һәм бию номерлары белән сөендерделәр. Бәйрәм буена залда гаҗәеп җылылык һәм күңеллелек атмосферасы хөкем сөрде, чөнки Әни - иң кадерле һәм иң якын кеше, аннан башка безнең тормышыбыз шундый бәхетле һәм шатлыклы булмас иде! Һәр номер көчле алкышлар белән үрелеп барды.

Бадминтон буенча Татарстан Республикасы өмете - 2024 3нче туры

2024 елның 23 - 24 ноябрендә Казан шәһәрендә Бадминтон буенча Татарстан Республикасы өмете - 2024 3нче туры узды. Ярышларга республикабыздан 200ләп спортчы җыелды. 3 этап нәтиҗәләре буенча Саба районы бадминтончылары түбәндәге категорияләрдә чемпионнар һәм призерлар булдылар:㊇- Рәхимов Адель (2 дивизион); 2- Әхмәтшина Камилә (2 дивизион);3- Рәхимов Адель - Идрисов Нияз; 3- Гобәйдуллин Ралина - Шахмаева Мәдинә (Казан);2- Борһанов Данияр; 2- Борһанов Данияр - Пулатов Аяз (Балык Бистәсе);3 - Борһанов Данияр - Хәбибуллина Наргиза. Барлык катнашучыларны, тренерларны, ата-аналарны балаларыбызның уңышлы чыгыш ясавы белән котлыйбыз һәм сәламәтлек, алга таба уңышлар телибез!

«Әни өчен открытка» ясау буенча мастер-класс.

Әниләр көне якынлаша - Россиядә ул ноябрьнең соңгы якшәмбесендә билгеләп үтелә. Бу көнне һәр бала үз әнисен сөендерергә һәм аның өчен ниндидер кул эшләре эшләргә омтыла. Бүләкләр турында уйланыр вакыт җитте. Иң кадерле бүләк ул - балаңның үз куллары белән ясаган бүләге! 22 нче ноябрь көнне укытучылар Хафизова Ч.Ф. һәм Зәйнетдинова З.З. «Әни өчен открытка» ясау буенча мастер-класс үткәрделәр. Әлеге чарада укучылар укытучылар ярдәмендә төсле кәгазь һәм картоннан үзенчәлекле открыткалар әзерләделәр. Әзер открыткаларны үзләренең изге теләкләре белән имзаладылар.

Шекше авыл җирлеге әниләре Саба мәдәният йортында бәйрәмдә

23 нче ноябрь көнне Шекше авыл җирлеге әниләре Саба мәдәният йортында «Әнилэр көне» бәйрәмендә

ЯҢАЛЫКЛАРГА ЯЗЫЛУ