Саба районының тарихи урыннары буенча "Туган ягыңны бел, сөй һәм өйрән"дип исемләнгән экскурсия.

2022 елның 21 октябре, җомга

18 октябрьдә Сүлә авылы клубы, Курсабаш мәдәният йорты, Курсабаш китапханәсе хезмәткәрләре Саба районының тарихи урыннары буенча "Туган ягыңны бел, сөй һәм өйрән"дип исемләнгән экскурсия оештырдылар.. Маршрут Мингәр авылыннан, Шәүкәт Биктимеров музее һәм Сөембикә манарасы белән танышудан башланды. Аннан соң атаклы Сатыш мәдрәсәсе музеенда булдык, район авыллары һәм авыл мәчетләре белән таныштык. Шулай ук Саба районының туган якны өйрәнү музеенда да булдык. Туган якны өйрәнү музее экспозициясендә кызыклы тарихи материал өстенлек итә, район территориясендә табылган археологик экспонатлар, иске көнкүреш әйберләре бар. Без барыбыз да рәхәтләнеп тыңладык һәм экспонатларны кызыксынып карадык. Барысы да безнең экскурсиядән бик шат калды.