Әтиләр көне
Әтиләр көне – әтинең гаиләдәге абруен искә төшерү, котлау һәм күтәрү, балаларны тәрбияләү өчен җаваплылыгын арттыру һәм бу чараның иң төп максаты. 16 октябрь көнне Иштуган мәдәният йорты белгечләре «Безнең әти иң яхшысы» дигән конкурс программасын үткәрделәр. Очрашу бәйрәмнең барлыкка килү тарихы турында сөйләүдән башланды. Уен барышында әти белән балалар үз көчләрен һәм зирәклекләрен күрсәттеләр. «Иң акыллы», «Иң яхшы машина йөртүче», «Сабый теленнән», «Мине тот», «Баланы төр» конкурсларында катнаштылар. Конкурс-уен программасының барлык этаплары да киеренке көрәштә узды. Спорт дәрте һәм үз командасы өчен җиңүгә ирешү теләге әтиләрне һәм балаларны шулкадәр җәлеп итте ки, алар тирә-юньдә барган вакыйгаларны сизми калдылар. Ахырда катнашучылар кызыксындыру призлары белән бүләкләнде.