Бәйрәм белән! Татарстан Республикасы Көне Белән!
Хөрмәтле Саба районы халкы һәм кунаклары!
Сезне чын күңелдән Татарстан Республикасы көне белән котлыйбыз!
Республика көне – ул Татарстандагы төрле диндәге, 170тән артык милләт вәкилләрен берләштергән олы бәйрәм. Бүгенге көндә безнең Россия һәм дөнья күләмендә горурланырлык уңышларыбыз, ирешелгән югары күрсәткечләребез, талантлы шәхесләребез, үзенчәлекле толерант йөзебез бар. Без заман белән бергә атлыйбыз. Дөньякүләм глобальләшү шартларында милли гореф-гадәтләребезне, бай мәдәниятебезне, рухи мирасыбызны һәм телебезне саклап калу мәсьәләләрендә дә кулыбыздан килгәнчә тырышабыз. Татарстаннан читтә яшәүче милләттәшләребезнең башкалабыз Казанны, республикабызны рухи һәм тарихи ватан итеп танулары аеруча да шатландыра. Без кайда гына яшәсәк тә, безне бер үк максатлар берләштерә. Без Ватаныбыз иминлеге, бүгенге яшәеш, яшь буынның якты киләчәге, Татарстаныбыз чәчәк атуы өчен тырышабыз.
Иң җылы рәхмәт сүзләрен районны булдыруга һәм үстерүгә зур өлеш керткән хөрмәтле ветераннарыбызга җиткерәбез.
Барыгызны да чын күңелдән бәйрәм белән котлыйбыз, тынычлык, игелек, иминлек, нык сәламәтлек, бәхет һәм тотрыклылык телибез!