«Россия флагы көне»

2022 елның 22 августы, дүшәмбе

22 август көнне Саба районындагы «Балкыш» халыкка комплекслы социаль хезмәт күрсәтү үзәгенең гаилә һәм балаларга социаль ярдәм күрсәтү бүлекчәсе белгечләре социаль хезмәтләрдән файдаланучылар белән Россия Федерациясенең Дәүләт флагы көненә багышланган мастер-класс үткәрделәр. Чараның максаты: әхлакый-патриотик хисләр тәрбияләү; халык һөнәрчелеге турында күзаллау формалаштыру; иҗат сәләтләрен, фантазиясен, рәсем элементын башкаруның гамәли күнекмәләрен үстерү; халык традицияләренә, халык иҗатына мәхәббәт, җаваплылык, үзара ярдәмләшү, хезмәткә карата хөрмәт тәрбияләү; Россия Дәүләт флагы белән таныштыру; Россия Федерациясе дәүләт флагының әһәмияте турында күзаллауны формалаштыру.