“ Сонгы кынгырау” бәйрәме. Мишә авыл җирлеге
2022 елның 24 маенда Мишә авыл җирлеге мәктәпләрендә чыгарылыш сыйныф укучылары өчен соңгы кыңгырау чыңлады. Алда имтиханнар булса да, соңгы кыңгырау — барлык мәктәп бәйрәмнәренең иң дулкынландыргыч, онытылмас бәйрәме. «Соңгы» сүзе бөтен кешедә дә билгеле бер ассоциацияләр тудыра. Бу-аерылышу, сагыш, изге теләкләр. Соңгы кыңгырау-искиткеч мәктәп чоры тәмамлану символы. Һәм бу бәйрәм чыгарылыш сыйныф укучылары хәтерендә мәңгегә калырга тиеш.
Чыгарылыш сыйныф укучылары һәм аларның ата-аналары тарафыннан мәктәп укытучыларына бик күп җылы рәхмәт сүзләре әйтелде. Бүген балалар барысына да үзләренең искиткеч иҗади сәләтләрен күрсәттеләр: биеделәр, җырладылар. Бүген елмаюлар, яраткан мәктәбе белән аерылышу, яңа ачышлар алдыннан шатлык, рәхмәт һәм игелек бүләк иттеләр.
Алда чыгарылыш сыйныф укучыларының бик мөһим һәм җаваплы чоры. Аларга имтиханнарны лаеклы үтүләрен телибез!