Яңа ел әкияте

2022 елның 10 гыйнвары, дүшәмбе

Яңа ел - әкияткә һәм могҗизага ышанып, балалар озак көтә торган бәйрәм. Яңа ел бәйрәме-тылсымлы елмаюлы, үзенчәлекле костюмлы, күңелле әйлән-бәйлән һәм җырлы бәйрәм. Эзмә мәдәният йортында балалар өчен «Яңа ел әкияте» дип исемләнгән бәйрәм-күңел ачу программасы булып узды. Балалар әкият дөньясына чумдылар кебек. Программа тылсымлы фея барлыкка килү белән башланды. Кыш бабай белән Кар кызы, шулай ук зур үгез һәм юлбарыс барлыкка килү һәр баланың күңелендә зур шатлык һәм соклану уятты. Әкият геройлары балаларның гына түгел, әти-әниләрнең дә күңелләренә хуш килде.