Поэтик проза остасы

2021 елның 1 ноябре, дүшәмбе

Милләт, тел язмышы өчен борчылучы, аны саклап калыр өчен бар тырышлыгын куючы Татарстанның халык язучысы Н.Гыйматдиновага 65 яшь тулды. Әлеге уңайдан Эзмә авыл жирлегенен Иләбәр авыл китапханәсе һәм клуб хезмәткәрләре «Поэтик проза остасы» дигән исем астында әдәби сәгать уздырдылар. Өлкән буын һәм яшьүсмерләр катнашкан әлеге чарада китапханәче язучының тормыш һәм иҗат юлы белән таныштырды, әсәрләренә күзәтү  ясады. Катнашучыларга шул исемдәге китап күргәзмәсе һәм электрон презентация тәкъдим ителде. Өлкәннәр язучы турында истәлекләре белән бүлештеләр.