«Картая мени соң йөрәк»
1 октябрь көнне Иштуган авыл мәдәният йорты һәм китапханә хезмәткәрләре Халыкара өлкәннәр көненә багышланган "Картая мени соң йөрәк" дип исемләнгән концерт оештырдылар. Мәдәният өлкәсендә эшләгән өлкән буын вәкилләре адресына җылы котлаулар яңгырады. Балалар үзләренең әбиләренә шигырьләр сөйләделәр. Иң яхшы концерт номерлары кунаклар өчен күңелле бүләк булды. Бәйрәм чәй өстәле артында дәвам итте, анда кешеләр аралашты, яшь елларын искә төшерде, яраткан җырларын җырладылар, шигырьләр сөйләделәр, биеделәр, шаярдылар, шаян такмаклар җырладылар. Бәйрәм рухы беркемне дә битараф калдырмады. Барысы да проблемалар турында онытып һәм күңел белән ял итеп, бик күп уңай эмоцияләр алдылар. Шулай ук мәдәният өлкәсендә эшләгән хезмәткәрләрне өйләренә барып котладылар, бүләкләр тапшырдылар.