Югары-Утар акылга зәгыйфь булган балалар йорты-интернатында үткәрелгән чаралар
Югары Утар акылга зәгыйфь булган балалар йорты-интернатында саф һавада спорт уеннары шөгыле.
2021 нче елның 24 нче август көнне Югары Утар акылга зәгыйфь булган балалар йорты-интернаты тәрбиячесе Яруллина Рәмзия Рамил кызы саф һавада спорт уеннары шөгылен үткәрде.
Максат: саф һавада спорт уеннарының яңа төрләре белән таныштыру. Балаларның сәламәтлеген ныгыту, физик культура һәм спорт белән шөгыльләнүгә кызыксыну арттыру
Бурыч:
- балаларның физик үсешенә, хәрәкәтләрне координацияләү һәм күрсәтү;
- спорт уеннарына кызыксыну уяту, массакүләм чараларга җәлеп итү;
- балаларда сәламәт яшәү рәвешенә ихтыяҗ тәрбияләү.
Спорт уеннары-бала өчен хәрәкәт активлыгын, хәрәкәтләрне координацияләүне, җитезлекне һәм чыдамлыкны үстерү өчен иң яхшы алымнарның берсе. Спорт активлыгы балаларга көн буена энергия һәм уңай кәеф бирә. Дәрес саф һавада уен формасында үткәрелде. Балалар төрле эстафеталарда бик теләп катнаштылар һәм бик канәгать калдылар. Дәрес балалар өчен күңелле һәм файдалы булды.
Югары Утар балалар интернат йортында Республика көне уңаеннан “Туган ягым бизәкләре” исемле рәсем конкурсы
2021-нче елның 25-нче август көнне Югары Утар балалар интернат йортында “Республика көне” уңаеннан тәрбияче Әскәрова Миләүшә Сәлим кызы “Туган ягым бизәкләре” исемле рәсем конкурсы оештырды.
Чарага түбәндәге максатлар куелды:
- туган як турындагы белемнәрен ныгыту, тирәнәйтү;
- чисталык, пөхтәлек тәрбияләү;
- туган якны ярату хисе тәрбияләү.
25-нче август көнендә безнең Татарстан үзенең мөстәкыйльлек алган көнен билгеләп үтә. Шул уңайдан безнең балалар йортында рәсем конкурсы үткәрелде. Чара тәрбияче тарафыннан Татарстан турында мәгълүмат бирүдән башланып китте. Балалар белән республиканың истәлекле урыннары, символлары турында әнгәмә үткәрелде. Соңыннан балалар бик теләп рәсемнәр ясадылар, буядылар. Бу чарадан барысы да кәнагать калдылар.