Юлбат мәдәният йортында гаилә, мәхәббәт һәм тугрылык көне
8 июль-Гаилә, мәхәббәт һәм тугрылык көне уңаеннан Юлбат мәдәният йорты һәм китапханә хезмәткәрләре балаларга Петр һәм Феврония турында риваятьләр сөйләде, бу бәйрәмнең бик назлы символы – Россиядә танылган һәм яраткан чәчәге-ромашка турында да сөйләделәр. Әлеге бәйрәм чагыштырмача яшь булса да, аны уздыру матур традициягә әйләнде. Мәхәббәт һәм гаилә бәхете кеше тормышының төп кыйммәтләре булып тора. Ярату һәм бер-береңә булган хөрмәт хисләре авырлыкларны җиңеп чыгарга, уңышлы эшләргә, балаларны тәрбияләргә, әти-әниләргә ярдәм итәргә мөмкинлек бирә. Нык гаиләдән ныклы ил башлана. Балалар белән фотоколлаж ясадык, бу процесс бик охшады һәм теләкләр язып, балалар әти-әниләрен котларга әзерләнделәр. "Гаилә һәм тугрылык" дип исемләнгән китап күргәзмәсе куелды һәм күзәтү үткәрелде.