Илебер “Умырзая” балалар бакчасында экологик тәрбия

2021 елның 22 апреле, пәнҗешәмбе

Иләбәр “Умырзая” балалар бакчасында узган атна дәвамында экологик тәрбия юнәлешендә балалар белән төрле чаралар үткәрелде. Шуларның иң зурысы- макулатура җыю.Бу акциядә балалар бик теләп һәм яратып катнаштылар.

“Собираем мусор сортируя” акциясенә дә әти-әниләр тарафыннан әзерләнгән кызыклы видеолар килде. Балаларга кәгазь, пыяла, пластик чүпләрне аерым җыярга кирәклеге аңлатылды.

Шулай ук кечкенәләр төркемендә тәрбияләнүче балалар табигатьтә экскурсиядә булып, язгы һава торышы, күк йөзе, кар эрүе, агачларның үзгәрүе белән таныштылар.

Зурлар төркемендә балалар , тәрбиячеләр  белән берлектә, җәйге бакчаның матурлыгын кайгыртып, чәчәк орлыклары чәчтеләр.