Саба балалар сәнгать мәктәбе укучылары “Созвездие - Йолдызлык - 2021” зона ярышларында югары күрсәткечләргә ирешеп кайттылар.
18 март көнне Биектау районы Шәпше авылы мәдәният йортында эстрада сәнгатенең «СОЗВЕЗДИЕ - ЙОЛДЫЗЛЫК - 202 " XXI ачык республика телевизион яшьләр фестиваленең зона этабы һәм гала- концерт булып узды. Барлыгы зона этабында “Хөснулла һәм Аллаһияр Валиуллинар исемендәге Саба балалар сәнгать мәктәбеннән” 100 укучы катнашты.
“Созвездие - Йолдызлык - 2021” фестиваленең гала-концерт нәтиҗәләре буенча Саба балалар сәнгать мәктәбе укучылары түбәндәге күрсәткечләргә ирештеләр:
Хореография номинациясендә
- “Асылташ” бию коллективы - I урын - җитәкчесе Гарипова Гүзәл Марат кызы;
- “Яшьлек” бию коллективы - I урын - җитәкчесе Мөбәрәкҗанова Альбина Зофәр кызы.
- “Экспромт” бию коллективы - I урын - җитәкчесе Әхмәтова Алинә Наил кызы.
Вокаль ансамбль номинациясендә
- «Энҗе бөртекләре» вокаль ансамбле - I урын - җитәкчесе Аксанова Ләлә Мөнир кызы.
- «Тамчы» вокаль ансамбле - II урын - җитәкчесе Харрасова Лилия Альберт кызы.
Барлык катнашучыларыбызны, хөрмәтле укытучыларыбызны зур җиңүләре белән котлыйбыз! Казан шәһәрендә үтәчәк суперфиналда унышлы җиңүләр, иҗади энергия теләп калабыз.