«Тургай» приютында "Йорт-җир торышы" программасын тормышка ашыру

2021 елның 8 марты, дүшәмбе

Тышкы кыяфәт шәхеснең характерын,  асылын һәм эчке дөньясын чагылдыра. "Йорт-җир торышы" программасын тормышка ашыру кысаларында тәрбияче Давлиева Венера тәрбияләнүчеләр белән "Кием гигиенасы"дигән темага әңгәмә үткәрде. Әңгәмәнең максаты: балаларда кием-салым, аяк киеме гигиенасы кагыйдәләрен формалаштыру һәм үз әйберләренә сакчыл караш тәрбияләү. Әңгәмә барышында балалар кием-салым һәм аяк киемен карап тоту турында яхшы киңәшләр алдылар, шәхси гигиена кагыйдәләрен тагын бер кат искә төшерделәр, сорауларга җавап бирделәр, кроссворд чиштеләр.

      Әңгәмә вакытында сөйләшкән барлык кагыйдәләрне һәм киңәшләрне балалар киләчәктә дә кулланырлар дип ышанабыз.