Татарстанлылар күчемсез милек мәсьәләләре буенча бушлай консультацияне интернет аша ала алалар
Татарстанлылар түләүсез нигездә Росреестр белгечләреннән дәүләт кадастр исәбенә алу, хокукларны дәүләт теркәвенә алу һәм башка эшчәнлек юнәлешләре мәсьәләләре буенча консультация ала алалар. Моның өчен Татарстан Республикасы буенча Росреестр Идарәсе гражданнарны видео аша кабул итүне дәвам итә.
2020 елда гражданнарга консультация бирүнең әлеге форматы аеруча популяр булды. Онлайн-консультацияләргә барлыгы йөздән артык кеше мөрәҗәгать итте. Чикләүләрнең саклануын исәпкә алып, ТР Росреестры гражданнарга бирелгән мөмкинлектән активрак файдаланырга киңәш итә. Бу уңайлы гына түгел (йорттан бушлай һөнәри консультация алырга мөмкинлек бирә яки эш урыныннан китмичә генә), шулай ук куркынычсыз да, чөнки шәхси контактларны булдырмый, бу килеп туган ситуациядә аеруча мөһим.
Исегезгә төшерәбез, Татарстан Росреестры җитәкчелегенә видеоэлемтә аша кабул итүгә эләгү өчен алдан гариза җибәрергә кирәк. Тулырак инструкция белән безнең сайтта rosreestr.tatarstan.ru " Гражданнар мөрәҗәгатьләре»бүлегендә танышырга мөмкин
ММЧ өчен контактлар
Татарстан Росреестры матбугат хезмәте
+8 843 255 25 10