Бүгенге көндә музейларда мастер-класслар оештыру мәдәни ялны уздыруда гаять популярлыкка иреште. Гыйнвар аенда, Яңа ел тематикасы үз көчендә булу сәбәпле, үткән мастер-классның темасы чыршы бизәү булды. Балалар үз куллары белән матур тасмалардан бантиклар ,элмәчләр ясадылар, ә аннары музей хезмәткәрләре ярдәмендә аларны алтын төскә буялган чыршы күркәләренә ябыштырдылар. Бик мавыктыргыч һәм күңелле килеп чыкты. Ә соңыннан , барлык катнашучылар да үз куллары белән ясалган сувенирларны алып таралыштылар.