Югары Утар авылында күпер төзелеше тәмамланды.
Мишә елгасында күпер салу эшләре тәмамланды. Югары Утар авылының ике урамын хәзер бетон конструкциясе тоташтыра. Элек бу урында җәяүлеләр басмасы гына иде. Ул автотранспортның йөкләнешенә каралмаган иде. Тимер-бетон конструкциясе-проблемаларны хәл итте. Төзүчеләр бер ел эчендә Мишә елгасы аша яңа күпер төзи алдылар. Төзелеш вакытында эшчеләр мөһим экологик бурычларны да үтәделәр. Чөнки бу территория-су саклау зонасы. Шуңа күрә биредә агынты суларны чистартылган грунт суларына әйләндерәчәк система оештырылды. Күпердән явым-төшемнәр желобага төшеп, алга таба чистарып, фильтрланган су туфракка китәчәк. Моннан тыш, яр линиясен ныгыттылар. Күпернең озынлыгы-23,1 м,киңлеге-5,7 м. Күпернең бер ягыннан 1 метр киңлектәге тротуар җиһазландырылган. Яңа күпер автомобиль һәм чылбырлы транспорттан перспектив норматив йөкләнешкә исәпләнгән. Төзелешне «БАЗОВЫЙ ПРОЕКТ» җәмгыяте алып барды.