90 яшьлек юбилей
2020 елның 16 октябрендә Саба районы Шәмәрдән авылында яшәүче тыл хезмәтчәне Хәмитҗанова Салия Нәҗметдин кызы үзенең 90 яшьлек юбилеен билгеләп үтте. Юбилярны тәбрикләргә Шәмәрдән авыл җирлеге башлыгы да килгән иде, ул юбилярга Россия Федерациясе Президенты В.В. Путинның котлау хатын һәм истәлекле бүләк тапшырды. Юбилярны юбилее белән котлап, ул сугыш елларында һәм сугыштан соң эшләгән хезмәтләре өчен чын күңелдән рәхмәт белдерде, озын гомер, сәламәтлек һәм якыннарының кайгыртуын теләде. Шулай ук социаль хезмәт күрсәтү дәүләт автоном учреждениесе “Балкыш” хезмәткәрләре тарафыннан бәйрәм өстәле дә әзер иде.
Олы яшьтә булуга карамастан, Салия Нәҗметдин кызы оптимизмын югалтмый. Ә бит үз гомерендә аңа төрлесен- шатлык-куанычлар, кайгы-хәсрәт кичерергә туры килә. Саубуллашканда юбиляр чын күңелдән аның өчен вакыт тапканнары, игътибар һәм хөрмәт өчен кунакларга рәхмәт белдерде.