Муниципаль районнар Саба муниципаль районы

"Хәтер шәме"

2020 елның 21 июне, якшәмбе

21 июнь көнне Шекше мәдәният йорты хезмәткәрләре китапханә мөдире белән берлектә «Хәтер шәме»акциясе оештырдылар. Шекше авылы үзәгендә урнашкан обелиск янына авыл яшьләре чакырылган иде. Хәтер шәмнәре кабызылды һәм безнең герой-авылдашларыбызның күпсанлы исемнәре язылган обелиск янында, сугыш алып киткән ватандашлар истәлеге буларак, чәчәкләр куелды. Акциядән соң яшьләр алдында Шекше мәдәният йорты мөдире Л.Хисмәтова чыгыш ясады һәм фронтта дошман белән көрәшкән, партизан отрядларында сугышкан, фашист концлагерьларында җәфа чиккән, ялсыз һәм ашсыз тылда эшләгән, Берлинга һәм Прагага кадәр барып җиткән һәм бүген безнең арада булмаган Бөек Ватан сугышы геройларын искә алырга чакырды.

Мәдәният бүлеге

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

103 — ашыгыч медицина ярдәменең бердәм номеры

Сезгә шуны хәбәр итәбез: 1 апрельдән ашыгыч ярдәм чакыруның бердәм номеры гамәлгә керде: «103». Ашыгыч медицина ярдәменә барлык чакырулар бары тик кыска телефон номеры — 103 буенча гына кабул ителә һәм бердәм диспетчерлык үзәге аша уза. Барлык кәрәзле элемтә операторлары өчен 103 номерын җыярга кирәк.

Тимершык авыл җирлегендә өмәләр

2026 елның 1 апреленнән 31 маена кадәр Татарстан Республикасында торак пунктлар территорияләрен чистарту буенча санитар-экологик икеайлык уза.Санитар-экологик икеайлык кысаларында Тимершык авыл җирлегендәге оешма-предприятиеләрдә, шәхси хуҗалыкларда, урамнарда, чишмәләрдә тирә-якны чүпләрдән чистарту максатыннан өмәләр башланды. Җыештыру эшләрендә җирлек халкы зур теләк белдереп актив катнаша.

Миңгәр авылында Мишә елгасы аша яңа күпер

Татарстан Республикасы Саба муниципаль районының Миңгәр авылында Мишә елгасы аша автомобиль күпере төзелеше 2025 елның 28 августында башланды. Проект «Тормыш өчен инфраструктура» милли проекты кысаларында тормышка ашырыла, ул торак пунктларны комплекслы үстерүгә, юллар төзүгә һәм ремонтлауга, территорияләрне төзекләндерүгә һәм инфраструктураны яңартуга юнәлдерелгән. Күпер төзелешен “Базовый проект” ҖЧҖ башкара.

Халыкара өстәл теннисы көне

5 апрельдә «Саба-Арена» спорт комплексында "Халыкара өстәл теннисы көне" билгеләп үтелде. Ир-атлар арасында ялгыз разрядта Раил Галиәкбәров һәм Алмаз Гарипов пьедесталның өченче баскычына күтәрелделәр. Икенче-Илсаф Латыйпов. Камил Вилданов җиңүче булды. Хатын-кызлар разрядында өченче урынны Анастасия Ануфриева һәм Камилә Әхмәтова алды. Икенче урын- Иделия Сафинада.Турнирның җиңүчесе Зилә Хәбибрахманова булды. Җиңүчеләргә һәм призерларга «Саба-Арена» спорт мәктәбеннән тиешле дәрәҗәдәге дипломнар һәм татлы призлар бирелде.

ЯҢАЛЫКЛАРГА ЯЗЫЛУ