“ Сугыш хатын кыз өчен түгел...” проекты
Сугыш... Нинди шомлы һәм авыр сүз бу! Ул ничә миллион кешенең гомерен өзгән, күпме баланы ятим иткән, аналарны тол калдырган. Сугыш...
27 февраль көнне Район үзәк китапханәсендә “ Сугыш хатын кыз өчен түгел...” проекты кысаларында узучы тыл ветеран һәм сугыш чоры хатын кызлары катнашында “Онытылмый яралар”дип исемләнгән әдәби кичә үткәрелде.
Чараны Район советы депутаты Гәләметдинова Әлфия Ризван кызы башлап җибәрде.
Кичәбезнең махсус кунаклары Саба районы Байлар Сабасы авылында яшәүче тыл ветераны Мусина Нәкия Сабир кызы, сугыш чоры балалары өлешенә туры килгән, авырлыкларны үз башыннан кичергән Ракова Ленина Габдулхак кызы, Шәйхетдинова Физия Курбан кызы,Гатауллина Рәкибә Кәшип кызы сугыш чорында күргән , истә калган хәтирәләре белән уртаклаштылар.
Күңелләргә үтеп керерлек кичә ахырында Әлфия Ризван кызы, ветераннарга истәлекле бүләкләр тапшырды.