Саба балалар сәнгать мәктәбендә скрипка сыйныфы укучыларының зачеты концерт формасында узды.

2019 елның 12 декабре, пәнҗешәмбе

12 декабрь көнне Саба балалар сәнгать мәктәбендә музыка бүлеге укучыларының скрипка сыйныфы буенча  концерт  формасындагы зачеты булып узды. Концертта мәктәп дирекциясе, укучыларның ата-аналары һәм барлык теләүчеләр катнашты. Укытучылар Акунеева Зөлфирә Абдулла кызы һәм Акунеева Зәринә Александр кызы 2019-2020 нче уку елының 1 нче яртыеллыгына нәтиҗә ясадылар. Яшь скрипкачылар ялгыз һәм ансамбльләрдә уңышлы чыгыш ясадылар. Яшь артистларны тамашачылар бик җылы каршы алды. Укучыларны уңышлы зачет тапшырулары белән котлыйбыз!