Татарстан Росреестры "Идел буе кадастр инженерлары Ассоциациясе" СРОның еллык җыелышында катнашты"
2018 ел нәтиҗәләре буенча "Идел буе кадастр инженерлары Ассоциациясе" үзеннән-үзе көйләнә торган оешма әгъзаларының еллык гомуми җыелышы узды.
Җыелыш эшендә Росреестрның Татарстан Республикасы буенча идарәсе җитәкчесе урынбасарлары Артем Костин һәм Ада Зәйдуллина катнашты. Җыелышны «Идел буе» АКИ СРО президенты Олег Аввакумов алып барды. Җыелышта шулай ук «Идел буе» АКИ СРО структур бүлекчәләренең Идел буе федераль округы республикаларында һәм өлкәләрендә барлык җитәкчеләре катнашты.
Чара кысаларында 2019 елга СРО эшенең өстенлекле юнәлешләре буенча нәтиҗәләр ясалды һәм расланды, шулай ук кадастр инженерлары өчен дәүләт кадастр исәбен алу һәм Күчемсез мөлкәткә хокукларны теркәү өлкәсендәге законнарның соңгы үзгәрешләренә багышланган семинар үткәрелде. Капиталь төзелеш объектларын дәүләт теркәве үзенчәлекләренә, аерым алганда, дәүләт кадастр исәбенә кую һәм шәхси торак һәм бакча йортларына хокукларны теркәү тәртибенә кагылышлы законнардагы соңгы үзгәрешләргә аерым игътибар бирелде. Татарстан Республикасы буенча Росреестр идарәсе вәкилләре тарафыннан кадастр инженерларын аттестацияләүнең чираттагы квалификация имтиханнары үткәрелде.
Игътибарга
"Идел буе кадастр инженерлары ассоциациясе" үз эшчәнлеген 2012 елда башлап җибәрде. Хәзерге вакытта Ассоциациядә мең ярымга якын кадастр инженеры бар.
Шулай ук исегезгә төшерәбез, ай саен Татарстан Росреестры тарафыннан гариза бирүчеләргә мәгълүмат бирү максатыннан кадастр инженерларының документлар әзерләү сыйфатына һәм күчемсез милек объектларын кадастр исәбенә куюда кабул ителгән уңай һәм тискәре карарлар санына нигезләнгән рейтингы әзерләнә. Аның белән Росреестрның Татарстан Республикасы буенча Идарәсенең рәсми сайтында танышырга мөмкин rosreestr.tatarstan.ru " кадастр инженерын сайла»өстәмә битендә.