“Сугыш урлаган балачак”

2019 елның 14 мае, сишәмбе

         9 Май көнне Урта Нырты авыл клубында  Бөек Җиңүнең    74 еллыгы   уңаеннан “Сугыш урлаган балачак” дип исемләнгән тематик концерт куелды. Олы Нырты  авыл җирлеге башлыгы Сафаргалиев Р.З. һәм  сәркатибе  Шамсутдинова  Г.А. катнашучыларны бәйрәм белән котладылар,   тыл ветераннарына олы рәхмәтләрен җиткереп, киләчәк тормышыбызның тыныч булуын теләделәр һәм аңа  үзләренең  бүләкләрен тапшырдылар  . Әлеге  чарага сугыш чорында туган,   тыл Ветераны- Набиуллина Нурсама  апа   чакырылган иде.  Ул   балаларга  үзенең әти – әниләре турында һәм үзләренең авыр балачаклары  турында сөйләде. Укучылар үзләрен кызыксындырган сорауларын бирделәр. Нурсама  апага    истәлеккә бүләк тапшырылды  һәм  бәйрәм чәй табыны артында  дәвам итте .