ЯҢАЛЫКЛАР
Тимершык авыл җирлегендә язгы ташуга әзерлек максатыннан су торбаларын чистарту, канаулар ачу эшләре дәвам итә.
Кызыл –Мишә авылында плотинага бара торган юл кардан чистартылды, канау ачылды.
30 март көнне Тимершык мәдәният йортында язгы бәйрәм - Нәүрүз бәйрәме үтте. Бәйрәмдә катнашкан барлык халык та рәхәтләнеп күңел ачты, ял итте. Төрле уеннарда үзләренең көчләрен сынадылар. Төрле уеннар уйнадылар: аркан тарту, чүлмәк вату, таяк тарту һәм башка уеннар. Кунаклар барысы да боткадан һәм кайнар чәйдән авыз иттеләр. Бәйрәмнән барлык кеше дә яхшы кәеф һәм бүләкләр белән кайтып китте.
Ир-егетләр арасында Саба муниципаль районы буенча үткәрелүче волейбол ярышларында Тимершык авыл җирлеге командасы актив катнашып 2 нче урынны яулады. Егетләрне уңышлары белән чын күңелдән котлыйбыз.
26 март көнне Рамазан аенда Тимершык авылы мәдәният йортында ифтар мәҗлесе үткәрелде. Ифтарны авылыбыз эшмәкәрләре- иганәчеләре Дамир Исмагыйлев һәм Эльмир Ибрагимов үткәрделәр. Авылның яше, карты , килгән кунаклар Мөхәмәтҗанов Дамир хәзрәтнең вәгазьләрен тыңлады.Киләчәктә дә туган авылыбызда шулай изге бәйрәмнәрдә очрашырга, тыныч матур тормышта яшәргә язсын.
Яз-яңа тормышның башы, ул елмаю, матурлык, кояш һәм, әлбәттә, фантазия вакыты! Кыш әлегә саубуллашырга җыенмаса да, балалар да, өлкәннәр дә кояшның җылы нурлары, беренче чәчәкләр, кошлар җырлау турында хыялланалар. Күптән көтелгән яз инде безнең ишекләрне шакый, бездә шатлык һәм оптимизм уята, күтәренкелек һәм уңай эмоцияләр белән тулыландыра. 27 март көнне Кызыл-Мишә авылы мәдәният йорты һәм китапханә хезмәткәрләре балалар белән «Туган авылыбызда – яз!» дип исемләнгән рәсем конкурсы үткәрделәр. Оештыручылар белән бергә балалар язның төп билгеләрен кабатладылар, табигатьтә күзәтүләр белән уртаклаштылар, яз айларын кабатладылар, елның бу матур вакытына багышланган табышмакларны чиштеләр. Балалар рәсем конкурсына иҗади карадылар, язгы кәефләрен чагылдырып, якты һәм төсле эшләр ясадылар
26 мартта Кызыл-Мишә мәдәният йорты һәм китапханә хезмәткәрләре "Дуслык елмаюдан башлана"дигән тәрбия сәгате үткәрделәр. Бу тема һәрвакыт актуаль, чөнки дуслык үзара ышанычка, мәхәббәткә, мәнфәгатьләрнең уртаклыгына нигезләнгән якын мөнәсәбәтләр. Дәрес бер-берсенә елмаеп, яхшы кәеф белән башланды. «Тылсымлы» сүзләрне искә төшерделәр, балалар дусларына яхшы сүзләр әйттеләр. Балалар нинди кешене игелекле дип атап була, нинди гамәлләр аны бизәтә, якыннарына, дусларына карата игелекле эшләрнең мисалларын китерделәр һәм дуслык турында шигырьләр укыдылар. Шулай ук балалар игелекле әкият геройларын искә төшерделәр һәм сорауларга җавап бирделәр.
Су басу елның теләсә кайсы вакытында булырга мөмкин, ләкин яз көне кар катламының эрүе белән көчәя, ул күпкә зуррак тискәре нәтиҗәләргә китерергә сәләтле. Тимершык авыл җирлегендә язгы ташуга әзерлек максатыннан су торбалары чистартылды, канаулар ачылды.
Халыкара хатын-кызлар көне хөрмәтенә Тимершык, Кызыл- Мишә мәдәният йортлары һәм китапханәләре, Көек авыл клубы хезмәткәрләре тарафыннан Тимершык авыл җирлегенең барлык мәдәният йортларында һәм авыл клубларында Аяз Гыйләҗевнең "Шикәрем син, балым син" спектакле күрсәтелде. Тамашачылар чыгышны бик җылы кабул иттеләр. Артистларның чыгышы көчле алкышлар тудырды.
5 март көнне Тимершык, Кызыл -Мишә мәдәният йортлары, китапханәләр, Көек, Сабай, Миңгәр авыл клублары хезмәткәрләре һәм «Мизгел» фольклор коллективы "Милләт яме - йола, бәйрәмнәрдә" район фестиваль-конкурсның йомгаклау кичәсендә "Балага исем кушу" татар йоласы белән чыгыш ясадылар. Тимершык авыл җирлеге Саба муниципаль районы Башлыгы Р.Н. Миннихановның Рәхмәт сүзе белән бүләкләнде.
4 мартта Тимершык мәдәният йортында «Талант Фест» конкурсының зона этабы узды. Конкурс укучыларның иҗади сәләтләрен үстерү, талантлы балаларны ачыклау максатыннан үткәрелде. Бу конкурста Югары Симет, Иске Мичән, Шыңар, Тимершык мәктәпләре һәм Саба мәктәп-интернаты балалары катнашты. Балалар вокал-соло, инструменталь ансамбль, театр һәм сәнгатьле уку номинацияләрендә ярыштылар. Конкурс югары дәрәҗәдә узды һәм ахырда жюри әгъзалары балаларның иҗатын бәяләделәр.